Төрийн нээлттэй өгөгдлийн мөрийн хөтөлбөр
2017-01-06
Машин оюуны лаборатори 2016 оны Шинжлэх ухаан технологи инноваци үзэсгэлэнд оролцов
2017-01-30

Машин оюуны лабораторын судлаач Г.Амарсанаа компьютерийн ухааны доктор боллоо

МУИС-ийн ХШУИС-ийн Мэдээлэл, компьютерийн ухааны тэнхимийн докторант Ганболдын Амарсанаа “Олон хэлний ялгамжит онтологийг олны хүчээр нутагшуулах аргачлал” сэдэвт бүтээлээр Компьютерийн ухааны докторын (PhD) зэрэг ээ 2017 оны 1 сарын 19-нд гардан авлаа.

Мэдээлэл компьютерийн ухааны тэнхимийн ахлах багш Г.Амарсанаа 2016 оны 12 сард докторын зэрэг хамгаалуулах Электроник, мэдээлэл, холбооны зөвлөлд “Олон хэлний ялгамжит онтологийг олны хүчээр нутагшуулах аргачлал (A methodology for diversity-aware ontology localization via
crowdsourcing)” сэдвээр амжилттай хамгааллаа. Түүний судалгааны ажлын гол чиглэл нь семантик технологи, ертөнцийн мэдлэгийн санг хөгжүүлэх, тэр дундаа монгол мэдлэгийн сан үүсгэх юм. Хүний хүсэл хэрэгцээг хүний хэлээр ойлгож ухаалаг үйлчилгээ үзүүлж чадах компьютерийн програм хангамж, системийг хөгжүүлэхэд бодит ертөнцийн мэдлэг, үйл явдлыг машинд загварчлах шаардлагатай байгаа бөгөөд ийм төрлийн системийг хөгжүүлэхэд мэдлэгийн цахим сан шаардлагатай. Түүнчлэн олон хэл соёлтой хүмүүсийн бүтээж буй мэдлэг, ертөнцийг үзэх үзэл ялгаатай байдаг тул энэ ялгамжийг (diversity) тусгасан нэгдмэл мэдлэгийн сан дараа үеийн компьютерийн технологид тавигдаж буй чухал асуудал юм. Даяарчлагдаж буй дэлхий ертөнцөд ийм мэдлэгийн сан үндэстэн дамнасан харилцааг шинэ шатанд гаргах, өгөгдөл, мэдээллийн технологийн тусламжтайгаар нийгмийн өмнө тулгамдсан асуулыг шийдвэрлэх зэрэг олон сайн талыг авч ирэх болно гэдэгт тэр итгэдэг.

Тэрээр 2012 оноос докторын сургалтаа эхлүүлэн Италийн Трэнтогийн их сургуульд докторын солилцооны оюутнаар 1.5 жил суралцаж байгаад ирсэн юм. Ирээд нээлттэй өгөгдөл, их өгөгдөл, өгөгдлийн шинжилгээ, онтологи болон мэдлэгийн сан байгуулах чиглэлээр тус сургуультай хамтын ажиллагаагаа үргэлжлүүлэн ажиллаж байгаа билээ. Одоо ХШУИС-ийн Машин оюуны лабораторийн Өгөгдөл ба мэдлэгийн менежментийн багийн ахлагчаар ажиллаж байна. Мөн нээлттэй ба их өгөгдөл, өгөгдлийн шинжилгээний оюутны дугуйлан удирдан ажилладаг манай залуу багш нарын нэг билээ.

There is also install free spy app via txt mesage a new airplay button for quick access

Leave a Reply

Your email address will not be published.