Өгөгдөл ба мэдлэгийн менежментийн багийн ахлагч
Өгөгдөл бол шинэ зууны түүхий эд!
Ганболдын Амарсанаа МУИС-ийн Хэрэглээний Шинжлэх Ухаан Инженерчлэлийн Сургуулийн (ХШУИС) Мэдээлэл, компьютерийн ухааны тэнхимийн багш, докторант. Тэр мэдлэгийн менежмент чиглэлээр эрдэм шинжилгээ, судалгааны ажил хийдэг. Тэрээр МУИС-ийн дэргэдэх Компьютер хэл шинжлэлийн судалгааны төвийг 2007 онд үүсгэн байгуулалцаж Канадын IDRC байгууллагын санхүүжилттэй PAN Localization төслийг амжилттай хэрэгжүүлж байсан. 2012 оноос Италийн Трэнтогийн Их Сургуулийн Мэдээллийн инженерчлэл, компьютерийн ухааны тэнхимд Европын холбооны Erasmus-Mundus докторын солилцооны хөтөлбөрт хамрагдаж улмаар 2014 онд тус сургууль, ХШУИС хооронд цахим хэл шинжлэлийг хөгжүүлэх, ертөнцийн мэдлэгийн цахим сан загварчлах, үүсгэх чиглэлээр эрдэм шинжилгээ, судалгааны хамтын ажиллагааг эхлүүлэн ажиллаж байна. Түүнчлэн Мэдээллийн технологийн үндэсний парктай хамтран Нээлттэй өгөгдлийн санаачлагыг эхлүүлэн ажиллаж байгаа бөгөөд хууль эрх зүйн орчны сайжруулалт, төр хувийн хэвшлийн хамтын ажиллагаа, төрийн байгууллагын өгөгдлийн соёлыг дээшлүүлэх, чадавхийг бүрдүүлэх чиглэлээр төр, хувийн хэвшлийн байгууллагуудтай нягт холбоотой ажилладаг. 2015 оноос төрийн байгууллагын их өгөгдлийг үүсгэх, их өгөгдлийн шинжилгээ хийж нийгэм, эдийн засгийн тулгамдсан асуудлыг шийдвэрлэх чиглэлээр эрдэм шинжилгээ, судалгааны ажлыг хийж байгаа.